Ֆիզիկա [դպրոցական առաջին փուլ]

Ֆիզիկա առարկայի օլիմպիադայի դպրոցական առաջին փուլի առաջադրանքները

9-րդ դասարան

1.Բարակ մեկուսիչ թելերից կախված են երկու միատեսակ թեթև մեկուսիչներ: Նրանցից մեկը լիցքավորված է, իսկ մյուսը` ոչ: Ինչպե՞ս որոշել, թե որն է լիցքավորված:

2. Քանի՞ անգամ պետք է մեծացնել երկու կետային լիցքերի միջև եղած հեռավորությունը լիցքերից մեկը 9 անգամ մեծացնելուց հետո, որպեսզի փոխազդեցության ուժը նույնը մնա:

3. 0.2կգ զանգված և  2մ երկարություն ունեցող մետաղե  համասեռ հաղորդիչն ունի 5օմ դիմադրություն: Մետաղի խտությունը 8×10³ կգ/մ³ է: Ինչի՞ է հավասար այդ մետաղի տեսակարար դիմադրությունը:

4. Երկու հաղորդիչների ընդհանուր դիմադրությունը նրանց հաջորդական միացման դեպքում 50օմ է, իսկ զուգահեռ միացման դեպքում` 12օմ: Որոշել հաղորդիչների դիմադրությունները:

10-րդ դասարան

1.Երբ ասում են` ավտոմեքենան շարժվում է ինչ-որ միջին արագությամբ, ո՞ր մեծությունը նկատի ունեն` տեղափոխությա՞ն միջին արագությունը, թե՞ միջին ճանապարհային արագությունը:

2.Կարո՞ղ է արդյոք ուղղագիծ շարժման դեպքում միջին արագության մոդուլը`

     ա) Փոքր լինել ակնթարթային արագության մոդուլի նվազագույն արժեքից,

     բ) Մեծ լինել ակնթարթային արագության մոդուլի առավելագույն արժեքից:

3.Մարմինը 270մ բարձրությունից ազատ անկում է կատարում առանց սկզբնական արագության: Այդ ճանապարհը բաժանել այնպիսի երեք մասերի, որոնց անցման ժամանակները լինեն նույնը: Ինչի՞ է հավասար այդ հատվածներից ամենամեծը:

4.Քարը նետված է հորիզոնական ուղղությամբ: Նետումից 3վ հետո դրա արագության վեկտորը հորիզոնի նկատմամաբ կազմում է 45˚ անկյուն: Ինչի՞ է հավասար այդ պահին քարի արագությունը:

11-րդ դասարան

1.      Բարոմետրական խողովակում սնդիկի մակարդակը 0.04 մ-ով բարձր է բաժակում սնդիկի մակարդակից: Խողովակում օդի սյան բարձրությունը սնդիկից վեր հավասար է 0.19 մ-ի: Մթնոլորտային ճնշումը հավասար է 760 մմ սնդ. սյան: Օդի ջերմաստիճանը հաստատուն է: Սնդիկի մակարդակի փոփոխությունը բաժակում անտեսել:

1)      Որքանով կփոխվի օդի ճնշումը խողովակում, եթե այն իջեցվի այնքան, որ սնդիկի մակարդակները խողովակում և բաժակում հավասարվեն: Սնդիկի խտությունն ընդունել 13.6·10³ կգ/մ³:

2)      Որքան է օդի սյան բարձրությունը խողովակում, եթե այն իջեցրել են այնքան, որ սնդիկի մակարդակները խողովակում և բաժակում հավասարվեն:

3)      Որքան պետք է իջեցնել խողովակը, որպեսզի սնդիկի մակարդակները խողովակում և բաժակում հավասարվեն:

2.      0.2 մ³ ծավալ ունեցող անոթում 2·10⁶ Պա ճնշման տակ գտնվում է 273 Կ ջերմաստիճանի գազ: Օգտագործում են գազի մի մասը, որը նորմալ պայմաններում (10⁵ Պա ճնշում և 0^օC ջերմաստիճան) զբաղեցնում է 1 մ³ ծավալ, որից հետո անոթում ճնշումը դառնում է 1.4·10⁶ Պա:

1)      Ինչ ջերմաստիճան է հաստատվում անոթում:

2)      Գազի սկզբնական զանգվածի որ մասն է օգտագործվել:

3)      Ինչ ճնշում կհաստատվի բալոնում, եթե նրանում գազի ջերմաստիճանն իջեցվի մինչև սկզբնական ջերմաստիճանը:

3.      Անհրաժեշտ է -15^օC ջերմաստիճանի 0.02 կգ զանգվածով սառույցը վերածել 100^օ C ջերմաստիճանի գոլորշու: Սառույցի հալման ջերմաստիճանը 0^օC է, տեսակարար ջերմունակությունըէ 2100 Ջ/կգ·Կ, հալման տեսակարար ջերմությունըէ 330 կՋ/կգ, ջրի տեսակարար ջերմունակությունը` 4200 Ջ/կգ·Կ, եռման ջերմաստիճանը 100<sup>օ</sup> C, իսկ շոգեգոյացման տեսակարար ջերմությունը` 2.3·10⁶ Ջ/կգ:

1)      Որոշել այն ջերմաքանակը, որն անհրաժեշտ է սառույցը մինչև հալման ջերմաստիճանը տաքանալու համար:

2)      Որոշել այն ջերմաքանակը, որն անհրաժեշտ է եռման ջերմաստիճանում ջուրը գոլորշու փոխարկելու համար:

3)      Որոշել այն ջերմաքանակը, որն անհրաժեշտ է ամբողջ պրոցեսն իրականացնելուհամար:

4.      Երկու անոթներ միացված են միմյանց բարակ խողովակով, որի ծորակը փակ է: Առաջին անոթի տարողությունը 3·10^-3 մ³ է և պարունակում է գազ 8·10⁵ Ն/մ² ճնշման տակ, երկրորդ անոթի տարողությունը 5·10^-3 մ³ է և պարունակում է նույն գազից 6·10⁵ Ն/մ² ճնշման տակ: Ջերմաստիճանը հաստատուն է:

1)      Որքան է մեծ և փոքր բալոններում գազի խտությունների հարաբերությունը:

2)      Ինչ ճնշում կհաստատվի անոթներում, եթե ծորակը բացենք:

3)      Ինչ զանգվածով գազ անցավ խողովակով ծորակը բացելուց հետո, եթե փոքր բալոնում գազի զանգվածը 0.016 կգ էր: