Բանավեճը որպես ուսումնական մեթոդաբանություն

        2013 թվականի մարտի 21-ին դպրոցում անցկացվեց սեմինար «Բանավեճը որպես ուսումնական մեթոդաբանություն» թեմայով: Մասնակցում էին ինչպես 198, այնպես էլ 187, 86 և 197 դպրոցի դասղեկները:

Սեմինարի նպատակն էր.

• Ուսուցիչներին ծանոթացնել ուսուցողական բանավեճի ձևաչափին
• Ուսուցողական բանավեճը ընդունել որպես մեթոդ այս կամ այն հարցի շուրջ աշակերտների ունեցած փաստարկների հաակարգված և համոզիչ ներկայացման, աշակերտների քննադատական մտածողության և վերլուծական հմտությունների զարգացման համար:
• Դպրոցների համագործակցություն:

Դպրոցի տնօրենը, ողջունելով սեմինարի մասնակիցներին, փաստեց, որ բոլոր մանկավարժների նպատակը՝ աշակերտների արդյունավետ  ուսուցումը դպրոցում, քայլ առ քայլ ամրապնդվում է նմանատիպ համագործակցությամբ: 

 

   Այս դեպքում է, որ նկատելի են դառնում կրթական ոլորտում առկա խնդիրների լուծման ուղիները:

     Տնօրեն Ա. Թորոսյանը առաջարկեց "Բանավեճը որպես ուսումնական մեթոդաբանություն" կիրառել ուսումնական պրոցեսում և ընդգծեց դրա կարևորությունը, քանի որ մեր կյանքում բաց և քաղաքակիրթ բանավեճը քաղաքացիական հասարակության անհրաժեշտ սյուներից մեկն է:

      Սեմինարն անցկացրեց Լ. Ավետիսյանը: Նա նշեց, որ նյութերը վերցրել է «Բանավեճի հիմունքները» ձեռնարկից և ՋՀՀ կայքից: 

       Սեմինարը, որ կազմված էր պրեզենտացիայի ներկայացումից և գործնական բանավեճից՝ «12-ամյա կրթական համակարգը  ապահովում է կրթության բարձր որակ ՀՀ-ում», անցավ հետաքրքիր և բուռն քննարկումով: 

      Սեմինարի մասնակիցները գրեցին տպավորությունների մասին: 
Նրանք հիմնականում նշեցին, որ բանավեճը շատ ուսուցողական էր,  ծանոթացան բանավեճի հիմնաքարերի հետ: Այս ամենը նրանք կկիրառեն իրենց դասարաններում և հույս ունեն, որ դրանով իսկ կնպաստեն  թե աշակերտների ինտելեկտուալ զարգացմանը, թե նրանց թիմային աշխատանքներին: Ուսուցիչները համոզված նշեցին , որ բանավեճը զարգացնում է աշակերտների հանդուրժողականությունը: Նշեցին նաև, որ սեմինարը անցավ հաճելի և արդյունավետ: 

• Սովորեցինք բանավեճի հմտությունները   
  

Սովորել իրար լսել :

Ցանկացած պրոցեսում հաջողության հասնելու համար անհրաժեշտ է լինել  ավելի զուսպ  և  տիրապետել  իրավիճակին:

Բանավիճելու արվեստը:

Ճիշտ բանավեճ անցկացնել:

Մարդու մեջ կարծիքի ձևավորման  հարցում ավելի է լավ ազդում դիմացինի կարծիքի վերլուծումն ու քննարկումը:

Բանավեճի ճիշտ վարումը, համբերատար լսելը  կարևոր գործո ք յուրաքանչյուր վերլուծության մեջ:

Խմբային աշխատանքների ժամանակ միմյանց լսել, ճիշտ ձևակերպել մտքերը:

Միմյանց հանդուրժել:

Միմյանց հետ շփվելու և բանավիճելու քաղաքակիրթ ձև:

Բանավեճի  ճիշտ ներմուծումը դպրոց, դասարաններ:

• Առաջարկում ենք  հաճախակի կազմակերպել նման սեմինարներ

Կարևոր է փորձի փոխանակումը:

Բանավեճեր անցկացնել տարբեր տարիքային աշակերտների , ինչպես նաև ծնողների  հետ իրենց հետաքրքրող հարցերի շուրջ:

• Դուք գտնու՞մ եք, որ կգա այն ժամանակը, երբ յուրաքանչյուր աշակերտ կընդունվի բուհ առանց կրկնուսույցի:

12-ամյա  կրթութական համակարգը  ապահովում է որակյալ կրթություն: