Սույն թվի մարտի 26-ին տեղի ունեցավ մաթեմատիկայի ՄՄ-ների համատեղ նիստ, որին մասնակցում էին ինչպես 198 ավագ դպրոցի, այնպես էլ հարևան դպրոցների ուսուցիչներ՝ թվով 6 հոգի / N 186, N 197, N 155/:
Հանդիպման նպատակն էր մշակել 9-րդ դասարանի հանրահաշիվ և երկրաչափություն առարկաների տարեվերջյան համադպրոցական գրավոր աշխատանքի երկուական տարբերակները:
Համատեղ քննարկման արդյունքում որոշվեց, որ տարբերակները պետք է կազմվեն հինգ նվազագույն մակարդակի առաջադրանքներից, որոնց լուծման համար շատ խորը գիտելիքների իմացություն չի պահանջվում՝ հիմնականում սահմանումների, բանաձևերի, մեկ կամ երկու քայլով լուծվող խնդիրների իմացություն: Առաջին հինգ առաջադրանքները պատասխանների ընտրությամբ են: Հաջորդ երեք առաջադրանքները միջին բարդության են, որոնց լուծման համար պահանջվում է կայուն գիտելիքներ և տեսական գիտելիքների կիրառումը միջին բարդության խնդիրներ լուծելիս: Այս առաջադրանքների լուծումը ստուգվում է ուսուցչի կողմից: Վերջին երկու առաջադրանքները առավելագույն բարդության են, որի լուծման համար պահանջվում է խորը, հիմնավոր գիտելիքներ, տարբեր իրավիճակներում կողնորոշվելու , հմտությունները ցուցաբերելու համար:
Նշված առաջադրանքը նախատեսված է 45 րոպեի համար և յուրաքանչյուր առաջադրանքը գնահատվում է 1 միավոր, ինչը հարմար է և՛ աշակերտի, և՛ ստուգողի համար:
Հաշվի առնելով քննարկան արդյունավետությունը, որոշվեց պարբերաբար կազմակերպել նման հանդիպումներ: Որոշվեց նաև համագործակցել հետագայում թեմատիկ գրավոր աշխատանքների կազմման ժամանակ:
No comments:
Post a Comment