2013թվականի մարտի 6-ին տեղի ունեցավ հայոց լեզվի և հայ գրականության մեթոդ- միավորման միջոցառումը ՝ վիկտորինա նվիրված մայրենի լեզվին: Պետք է ասեմ ,որ այն պիտի տեղի ունենար փետրվարի 21-ին ՝մայրենի լեզվին նվիրված օրը, բայց քանի որ մասնակիցները հիվանդ էին գրիպով ,միջոցառման օրը տեղափոխվեց: Միջոցառմանը մասնակցում էին բոլոր հոսքերի 10-րդ դասարանների աշակերտները: Յուրաքանչյուր դասարանից ընտրվել էր 7 աշակերտ ,որոնք աչքի էին ընկնում իրենց լեզվական ունակություններով , ունեին խոր գիտելիքներ հայոց լեզվից:
Միջոցառման նպատակը ոչ միայն աշակերտների հայոց լեզվի գիտելիքները ցույց տալն էր , այլև սեր սերմանելը մայրենի լեզվի հանդեպ, լեզվի դերը մեր ժողովրդի գոյության, կայացման հարցում գիտակցելը, այն անաղարտ պահելու սուրբ պատվիրանը փոխանցելը:
Միջոցառումը ուներ նախապատրաստական փուլ: Կազմված
խմբերը պիտի ընտրեին խմբի ավագ, խմբի անվանում
,ավագը պիտի ներկայացներ իր խմբի անդամներին,
խմբի յուրաքանչյուր անդամ մայրենիին նվրիված ասույթներ պիտի սովորեր,իսկ լավ
ասմունքող-
ները արտասանեին մեկ բանաստեղծություն հայոց լեզվի մասին: Բոլոր խմբերը
ներկայացրել էին նաև պաստառ թեմային նվիրված:
Նախապատրաստական աշխատանքներից բացի, աշակերտներին
տեղում տրվում էին առաջադրանքներ ,որոնք հնարավորություն էին տալիս նրանց հանպատրաստից դրսևորել իրենց լեզվական գիտելիքները: Առաջադրանքները վերաբերում էին ավելի շատ աշակերտների ընդհանուր զարգացվածությանը ,նրանց
լեզվական ունակությունների և մտածելակերպի բացահայտմանը :
Աշակերտներին տրվեցին հետևյալ առաջդրանքները:
Առաջադրանք 1. Գտնել և ուղղել նախադասությունների բառագործածության սխալը:
Առաջադրանք2. Գրել տրված փոխառյալ բառերի
համարժեքները:
Առաջադրանք3. Տրված բառակապակցություններից կազմել բառեր:
Առաջադրանք 4. Հետևյալ դարձվածքներին
հականիշ 1-ական դարձվածք գրել:
Առաջադրանք5. Ասել մեկ բառով :
Առաջադրանք6. Պատումի սկիզբը շարադրել
. դրանից առաջ ի՞նչ էր եղել:
Յուրաքանչյուր առաջադրանք ուներ
իր կատարման ժամանակը: Աշակերտներին առաջադրանքների կատարման ժամանակը հրահանգվում էր և հստակ հսկվում վարողի կողմից: Առաջադրանքների մի մասը աշակերտները
ներկայացնում էին գրավոր ձևով ,մի մասն էլ ՝բանավոր: Մինչ հանձնաժողովի կողմից
ստուգվում էր գրավոր առաջադրանքները , երեխաները
հերթականությամբ ներկայացնում էին իրենց
պաստառները:
Հանձնաժողովի կազմում ընդգրկված էին հումանիտար հոսքի փոխտնօրեն Ս.Հ.Խաչատրյանը,
ուսումնադաստիարակչական գծով փոխտնօրեն Ն.Ռ.Հովսեփյանը , մեթոդմիավորման այն ուսուցիչները ,որոնք չեն դասավանդում 10-րդ
դասարաններում:
Պետք է ասել ,որ շատ հետաքրքիր անցավ
միջոցառումը :Երեխաները շատ էին ոգևորված,
աշխատում էին համագործակցված,փորձում անթերի ներկայացնել իրենց աշխատանքը: ՈՉ հումանիտար հոսքի երեխաները իրենց
լեզվական գիտելիքներով չէին զիջում հումանի-
տար հոսքի երեխաներին:
Հանձնաժողովը ամփոփեց արդյունքները ՝
10-1 դասարան- 142 միավոր
10-2 դասարան- 149 միավոր
10-3 դասարան - 162 միավոր
10-4 դասարան- 162 միավոր
10-5 դասարան - 138 միավոր:
Առաջին տեղը կիսեցին 10-3 և 10-4 դասարանները,
երկրորդ տեղը գրավեց 10-2 դասարանը, իսկ երրորդ
տողը ՝10-1 դասարանը:
No comments:
Post a Comment